Avqustun 22-də Dövlət başçısının Özbəkistana rəsmi səfəri çərçivəsində Daşkənddə Özbəkistan- Azərbaycan biznes forumu keçirilmişdir.

Tədbirdə Azərbaycanın iqtisadiyyat naziri Mikayıl Cabbarov və Özbəkistanın investisiya, sənaye və ticarət naziri Ləziz Kudratov çıxış ediblər. Forum çərçivəsində ticarət həcminin artırılması, təcrübə mübadiləsi və biznes nümayəndələri arasında yeni tərəfdaşlıq əlaqələrinin qurulması kimi mövzular müzakirə olunub.

Tədbirdə hər iki tərəfdən rəsmilərlə yanaşı, tikinti, sənaye, kənd təsərrüfatı, avtomobil sənayesi, nəqliyyat-logistika, səhiyyə, turizm və digər sahələrdə fəaliyyət göstərən 300-dək sahibkar iştirak edib.

Tədbirdə,həmçinin, Naxçıvan Sahibkarlar Konfederasiyasının sədri və Azərbaycan Sahibkarlar Konfederasiyasının vitse-prezidenti Vüqar Abbasov da iştirak etmişdir